Notes | Citation du texte : -1) Anno domini MXXXII, Ruodulfus rex Burgundiae, avunculus Giselae imperatricis, obiit in pace, cuius regnum comes Odo Francigena, filius sororis suae, invasit, et quaedam castra munitissima sive civitates, seu dolo, seu bello ceperat : nec se regem ausus est facere, sed tamen semper magister esse regis vellet. Eo modo magnam partem Burgundiae distraxit, licet regnum Burgundiae Cunrado imperatori et filio ejus Henrico regi a Ruodolfo rege, postquam ipse superstes non esset, per jusjurandum jamdudum confirmatum esset. Sed dum Odo comes haec in Burgundia faceret, Chuonradus imperator in Sclavonia cum armis fuerat. Quid ibi ageret, vel qualiter postea Odonem repulisset de Burgundia, consequenter dicam.... etc. -2) Ruodolfus ignavus Burgundiae regulus obiit et diadema eius, regnique insignia Cuonrado imperatori per Seligerum allata sunt.... Odo sororis ejusdem Ruodolfi filius, princeps Gallicae Campaniae, regnum Burgundiae invasit, captisque Nuenburg et Murtena (Neuchâtel et Morat) castris, sua in eis praesidia imposuit. |