| Contenu | Lettre d'Innocent III à l'évêque élu de Genève, analysée dans le préambule de cet épiscopat. - Per tuas nobis litteras intimasti quod, cum in Gratianopolitanâ Ecclesiâ suscipiendi habitum regularem solemniter emisisses, et postmodum promisisses in manibus Episcopi ejusdem Ecclesiae te infra duos menses postquam ab apostolicâ sede rediisses, ad quam eo tempore accedebas, votum quod émiseras impleturum, ac termino ipso transacto non curasses quod voveras adimplere, tandem existens in voti transgressione hujusmodi, vocatus fuisti ad regimen Ecclesiae Gebennensis. Super quo a nobis tuae saluti postulas provideri. Nos igitur, discretioni tuae breviter respondendo, consulimus quatenus si tuam omnino sanare desideras conscientiam, regimen resignes Ecclesiae memoratae, ac reddas Altissimo vota tua ; in hoc tibi gratiam facientes, quod, si Capitulum ejusdem Gebennensis Ecclesiae te postmodum canonicè duxerit eligendum, concedimus ut electionem recipias taliter de te factam. |
