1675, 9 mars. — Sion, Seduni

Décret par contumace de l´évêque de Sion, Adrien de Riedmatten (Adrianus de Riedmatten), en faveur de Jean Abbet (Joannem Abbet), sautier de Martigny, et Maurice Groz (Mauritium Groz), notaire, tous deux bourgeois de Martigny-bourg (burgi Martigniaci), pour la moitié de l´alpage de Catogne.

L´acte est donné à Sion (Seduni), au château de la majorie (in castro maioriae).

B. Expédition XVII^e-XVIII^e s. sur papier, avec sceau de cire rouge. Analyse XVIII^e s. au dos (« Decret par contumace en faveur de Maurice Groz et Jean Abbet du Bourg, et mise en possession par permission du R.ssime evêque de Riedmatten de la moitié de la montagne, du 9^e mars 1675 »). Cote A. C. Sion « C. 21 ter ». Les Jeurs/Trient 43.

Cf. Les Jeurs/Trient 43 (A. C. Sion 21 bis) et Les Jeurs/Trient 43 (A. C. Sion C. 21)

Nos Adrianus de Riedmatten, Dei et apostolicae Sedis gratia episcopus Sedunensis, comites et praefectus Vallesii etc, universis et singulis quibus expedit notum facimus simul ac manifestum coram nobis die subscripta judicialiter comparuisse egregium et discretum Mauritium Groz notarium, et Joannem Abbet salthaerum et burgensem burgi Martigniaci, causidici eorum voce verum fore proponentes se auctoritate nostra barrare et sequestrare obtinuisse in eclesia parrochiali Martigniaci coram populo ad divina congregato pro prima, secunda, tertia barris sequendo ordinem statutarium, et curiae stylum, videlicet medietatem totius montis de Catogne indivisi [2] cum hominibus Joriarum, salvo pluri si sit ad tenorem recognitionum illustrissimi et reverendissimi domini nostri domini Sedunensis episcopi siti in districtu et terratorio Joriarum Martigniaci, iuxta terram dictorum hominum Joriarum vocatam les Exers alias les Hyrard inferius et juxta suos alios, veros et notos confines, cum fundis, juribus, viis, pertinentiis, appendentiis, appendentiis, exceptis tamen et ab isto barrae mandati exclusis juribus nobilis illustris et excellentis domini ballivi Casparis Stokalper de Turre et honesti Claudii Gyrard de Trien, quod quidem jus licet excludatur attamen in predicta medietate prebarrata comprehenditur ; et hoc vigore jurium dictorum instantium suis loco et tempore necessariis producendorum inhibendo et defendendo in quolibet barrae mandato omnibus universis et singulis utriusque sexus personis cuiuscunque status, gradus, conditionis fuerint, ne se de pretacta medietate montis aliqualiter intromittant, nec intromittere presumant, illam tenendi, fruendi, gaudendi et possidendi, sed sibi predictis instantibus tenere, gaudere, frui et possidere permittant sub bannis trium, sex et novem librarum maurisiensium fisco nostro seu justiciae applicandarum ; attenta idonea cautione in iisdem barris nominata, assignando in quolibet barrae mandato omnes et quascunque personas utriusque sexus contra pretacta barrae mandata opponere volentes comparituras, et dicturas causam eorum oppositionis ob quam eadem barrae mandata suum non possint facere larsum et sortiri effectum, quibus oppositionum diebus nullus comparuerit oppositor, neque opponere curaverit quisquam, praedictis autem instantibus aut eorum procuratione in quolibet assignationum die legitime cum advocato suo comparente, et citatos opponentes non comparentes contumatiae accusantibus, et attenta hodierna tertia contumatia super tertio barrae mandato sententiam primi decreti ferri, deque mandato missionis in possessionem opportune previderi instanter requirentibus,

NOS igitur praelibatus episcopus et judex, visis primo tribus nostris barrae mandatis auctoritate nostra rite emanatis debiteque in ecclesia exequutis totidemque contumatiis desuper obtentis, considerato inde jure predictorum instantorum, visis denique omnibus circa premissa de jure videndis, et considerandis sedentes pro tribunali more maiorum nostrorum ad neutram declinantes partem, sed aequo juris tramite procedentes per hanc nostram, quam sub divini numinis invocatione ferimus decreti sententiam in contumatiam citatorum opponentium non comparentium, quorum absentiam divina suppleat presentia sententiamus, decernimus et ordinamus prefacta barrae mandata suum debere sortiri effectum, et consequenter praenominatos instantes in possessionum dictorum bonorum fore et esse ponendos, mittendos et inducendos positosque, missos et inductos in eadem possessione permanendos manutenendos, et protegendos ab omni vi, violentia et opere facti, harum serie iubemus pro primo decreto seu investitura ; lata est haec nostra decreti sententia Seduni in castro maioriae die nona martii, anno millesimo sexcentesimo septuagesimo quinto, de quibus litteras testabiles dictis instantibus illas requirentibus concessimus sigilli nostri impressione ac notarii manuali subsignatione firmari fecimus, praesentibus ibidem egregiis curiae nostrae practicantibus in testes premissorum sumptis.

Ex decreto reverendissimi et illustrissimi

Domini d. Sedunensis episcopi prelibati etc. (sceau de cire rouge)

Insuper cum parum aut nihil prodesset sententias vel decreta ferre, remque adiudicatam habere si debitae exequutioni non demanderentur, NOS igitur prelibatus episcopus et judex, dilectis nobis in Christo et fidelibus familiaribus nostris, et magnifici domini ballivi necnon prudentibus locumtenenti curiali, et caeteris justiciae ministris et officiariis nostris Martigniaci super hoc requirendis, salutem et omne bonum in Domino. Per presentes percipiendo vobis committimus et mandamus ut ad instantiam predictorum egregiorum et discretorum Mauritii Groz notarii et Joannis Abbet salthaeri, sumptis vobiscum duobus aut tribus probis viris juratis vestris eatis, vadatis et vos conferatis ad bona in supra scripta primi decreti sententia designata, et de iisdem bonis eosdem instantes in possessionem realem et actualem corporalem quietam et pacificam ponatis, mittatis et inducatis, positosque missos et indictos in eadem possessione manuteneatis, defendatis et protegatis ab omni vi, violentia, opere facti harum serie jubemus pro primo decreto seu investitura ; in quibus premissis nullus apud vos erit defectus, in quantum nobis obedire et officiis vestris satisfacere affectatis mercede vestra condigna mediante. Datum ut supra.

Mandato R.mi et Ill.mi domini d. prelibati etc. (sceau de cire rouge)