Notes | Citation du texte : Eo anno corpus sancti Victoris, qui Salodoro cum sancto Ursione passus fuerat, a beato AEconio Pontifice Mauriennense invenitur. Quadam nocte in sua civitate ei revelatur in somnum, ut surgens protinus iret ad ecclesiam, quam Sedeleuba regina in suburbano Genavensi construxerat : in medio ecclesiae designato loco illud sanctum corpus adesse. Cumque Genavam festinus perrexisset cum beatis Rustico et Patricio episcopis, triduanum facientes jejunium, lumen per noctem, ubi illud gloriosum et splendidum corpus erat, apparuit. Quod cum silentio hi tres Pontifices, cum lacrimis et orationibus, elevato lapide, in arca argentea invenerunt sepultum. Cujus faciem rubentem quasi vivi repererunt. Ibique Princeps Theudericus praesens aderat, multisque rebus huius ecclesiae tribuens maximam partem facultatis Warnacharii ibidem confirmavit. |