| Notes | Citation du texte : Per idem tempus Ruodulfus, filius Chuonradi, nepos Hugonis abbatis de quo supra meminimus, provinciam inter Jurum et Alpes Penninas occupat, et apud S. Mauritium, adscitis secum quibusdam primoribus et nonnullis sacerdotibus, coronam sibi imposuit, regemque se appellare jussit. Post haec mittit legatos per universum regnum Hlotharii, et suasionibus pollicitationibusque episcoporum ac nobilium virorum mentes in sui favorem demulcet. Quod cum nunciatum esset Arnolfo, illico cum exercitu super eum irruit; ille vero per artissima itinera fuga dilapsus, in tutissimis rupium locis salutis praesidium quaesivit; Omnibus itaque diebus vita sua Arnolfus et Zventiboldus filius ejus eundem Ruodulfum persecuti sunt, nec tamen eum laedere potuerunt, etc. |
