| Bibliographie | -1) Cassiodori chronicon.-2) Ex chronico Hieronymi presbyteri. (288 Olyrap. anno 1. Valentiniani 9.) -3) Frédégaire, lib. II, cap. 46, apud Canisium. - 4) Conf. Bouquet, II, 462, excerpta Fredegarii. -5) Pauli Orosii histor. lib. VII, cap. 31. -6) Ex vita S. Sigismundi Burgundionum regis, apud Bollandianos, 1 maii. Bouquet, III, 402. -7) Socratis histor. eccles. lib. VII, cap. 30. |
| Notes | Citation du texte : -1) Valentinianus IV et Valens IV. His. coss. Saxones caesi. De Usone in regione Francorum Burgundionum LXXX fere millia, quot nunquam antea ad Rhenum descenderunt. -2) Burgundionum LXXX ferme millia, quod nunquam ante, ad Rhenum descenderunt. - 3) In illo tempore Burgundionum LXXX fere millia, quot nunquam antea nec nominabantur, ad Renum descenderunt et ibi castra posuerunt, quae Burgo vocitaverunt, et ob hoc nomen acceperunt Burgundiones : ibique nihil aliud praesumebant nisi quantum praetio ementes a Germanis eorum stipendia accipiebant. Et cum ibidem duobus annis resedissent per legatos invitati a Romanis vel Gallis qui Lugdunensium provinciae et Galliae domita cisalpina ut tributarii publice potuissent renuere : ibique cum uxoribus et liberis visi sunt consedisse. —4) Les manuscrits de Berne et de Londres paraissent présenter une variante préférable pour la fin de ce passage : invitati a Romanis vel Gallis qui Lugdunensium provincia et Gallia Comata et Gallia Cisalpina commanebant, ut tributarii publice potuissent renuere. -5) Burgundionum quoque, novorum hostium novum nomen, qui plus quam octoginta millia ut ferunt armatorum, ripae Rheni fluminis insederunt. Hos quondam subacta interiore Germania, a Druso et Tiberio, adoptivis filiis Caesaris, per castra dispositos, in magnam coaluisse gentem : atque ita etiam nomen ex opere praesumsisse, quia crebra per limitem habitacula constituta, Burgos vulgo vocant : eorumque esse praevalidam et perniciosam manum Galliae, hodieque testes sunt, in quibus praesumpta possessione consistant, quamvis providentia dei omnes christiani modo facti, catholica fide, nostrisque clericis quibus obedirent receptis, blande, mansuete, innocenterque vivant, non quasi cum subjectis Gallis, sed vere cum fratribus christianis. -6) Tempore Tiberii senioris Augusti, qui sicut reliquas regiones, ita Gallias regebat, degressa est quaedam gens de insula, quam mare Oceanum cingit, cui vocabulum est Scandania, qui ex vocabulo quoque Scandinii nuncupati sunt. Cumque alia regna vel regiones cum mulieribus et filiis suis penetrassent, et Rhenum fluvium usque pervenissent, ibi jussione imperatoris Tiberii Burgos ultra flumen Rhenum per multorum spatia annorum custodire coacti sunt. Unde et Burgundiones nuncupati sunt et usque hodie Burgundiones vocantur. Qui tempore Valentiniani Augusti egressi de ipsis Burgis, Gallias petierunt, et more barbarico terras et populos Imperialibus ditionibus subjugatos invaserunt : atque ex suo genere levato rege, nomine Gondiocho, Romanos Galliarum habitatores, quos ab ipsorum conspectibus fuga non celavit, gladiorum manus interfecit : paucisque relictis et suis ditionibus subjugatis, ipsi sub eorum dominatione positi sunt. -7) Gens est barbara, trans fluvium Rhenum sedes habens, eorum qui Burgundiones vocantur. Hi vitam quietam et a negotiis alienam ducunt. Quippe omnes fere sunt fabri lignarii, et ex hac arte mercedem capientes, semet ipsos alunt. |
