1602, 29 septembre. — Martigny-bourg, in burgo Martigniaci

Bartholomé Girard des Jeurs vend à Michel Chapot des Jeurs deux pièces de terre sises aux Jeurs, l´une à

Belle Combe et l´autre ??, contre 640 florins. L´acte est reçu par le notaire Guillaume des Granges, bourgeois de Martigny-bourg, en présence des témoins Jean Abbet de Boriallo de la paroisse de Martigny, et Jean Aubert fils de feu François Aubert de Cemin de la paroisse de Vullegii.

B. Copie sur papier. Cf. régeste dans Les Jeurs/Trient 18. Cote ancienne A. C. Sion « C. 5 ». Les Jeurs/Trient 19, p. 16-17

Venditio unius peciae in Bella Comba

In nomine domini Jesu, amen. Anno a Nativitate ejusdem domini currente millesimo sexentesimo (sic) secundo et die penultima mensis septembris in mei notarii publici et testium subscriptorum presentia, ibidem fuit personaliter constitutus Bartholomeus Gerrard de Joriis parrochiae Martigniaci qui non vi dolo neque metu ad haec inductus, sed sciens gratis et sponte ut asserit motus pro se et suis haeredibus universis, vendit cedit quictat liberat et remittit ex nunc perpetue per praesentes venditione pura mera perpetua et irrevocabilis prout melius fieri potest, honesto viro Michaeli Chappotz (sic) de Joriis parrochiae praedictae ibidem praesenti ementi stipulanti et recipienti pro se et suis haeredibus universis, videlicet bona subscripta.

Primo unam petiam terrae sitam in territorio Joriarum Martigniaci loco dicto gallice es Belles Combes cum rascardo intro existente de alto in bassum qua petia jacet juxta certum Chenez aquae tendentem in torrento de la Biollaz ab oriente, saxum de la Griobaz superius, terram Jacobi Boson et Michaelae uxoris Nicolai Cretton superius, terram dicti emptoris ab occidente, terram et meisonamenta per limitos positos Jacobi Boson et Nicolai Cretton inferius.

Item magis unam petiam terrae per indivisa cum Jacobo Boson et ejus uxore ac (blanc) juxta terram liberorum quondam Petri Vullioz et Michaellis Vullioz ab oriente, bona communia ab occidente (blanc) cum suis alliis confinibus sitis vinoribus si qui sint fundisque juribus suis pertinentiis appendentiis ingresibus et egressibus suis universis pro que honoribus et oneribus annualibus desuper eisdem bonis de jure domino faudi debitis ab inceps per eundem emptorem suosque praedictos persolvendis et supportandis ;

et hoc praetio praetiique nomine [p. 17] sex centum et quadraginta florenorum parvi ponderis monetae inferioris Martigniaci cursibilis semel habitorum realiter et integre, et cum effectu receptorum per dictum venditorem ut asserit ab eodem emptore in bona peccunia sibi ut asserit numerata et tradita de quibus sex centum et quadranginta (sic) florenorum monetae praedictae praenominatus venditor eundem emptorem suosque praedictos solvit caedit et quitat perpetuum per presentes pactum faciendo expressum de non plus ex eisdem petendo nec querelando quo modolibet in futurum.

Devestiens enim se et suos praedictos dictus venditor de rebus et bonis supra venditis, dictumque emptorem praesentem ut supra stipulantem de eisdem investiens presentium tenore ac traditione unius calami scriptoris ut moris est, ad habendum intrandum tenendum gaudendum et perpetue per praesentes et possidendum, et quidquid sibi emptori suisque praedictis abinceps placuerit quomodolibet faciendum et disponendum.

Promittens insuper praenominatus venditor pro se suisque praedictis juramento suo super sanctis Dei scripturis corporaliter praestitis (sic) subque expressa obligatione omnium bonorum suorum mobilium immobilium presentium et futurorum quorumcumque premissa omnia singula habere rata grata firma et vallida, et numquam praemissis modo quovis in futurum contra venire per se nec per allium in judicio nec extra ; quin imo res et bona modo et supra vendita eidem emptori suisque praedictis perpetue manutenere deffendere firmitter et legitime guerentire ab omnibus et contra omnes in omni judicio et extra ab omnibus alliis impedimentis debrigare a toto tempore praeterito usque in diem presentem suis ipsis venditoris et suorum praedictorum propriis expensis cum omni et sub qualibet juris et facti renuntiatione ad haec necessaria et opportuna.

Actum hoc in burgo Martigniaci domi mis notarii subscripti, presentibus ibidem Joannis Abbet de Boriallo parrochiae Martigniaci et Joannis filio quondam Francisco Aubert de Cemin parrochiae Vullegii testibus ad praemissa vocatis et rogatis, et me Gullielmo de Grangiis burgensis burgi Martiniaci Sedunensis diocesis auctoritate reverendissimi domini nostri Sedunensis episcopi, qui praesens publicum instrumentum rogatus recepi manuque mea propria levavi et subsignavi signeto majori meo quo in talibus utor, in fidem testium veritatis omnium praemissorum.