|
Constitution de rente
(juin 1277)
Minutarium Majus
(AASM CHL 0/0/1, p. 90, acte n° 404)
Transcription
par Jean-Marie Theurillat
et
Gottfried Partsch
Carta Thome de Alyo, filii W. Fatui
Notum etc. quod Uldricus, mistralis de Olono, de laude
Agnetis, uxoris ejus, et heredum suorum Rodulphi, Giroldi, Willermi,
Petri, Agathe et Mabiliete, vendidit inperpetuum pro octo libris
bonorum maurisiensium sibi integre persolutis Thome de Alyo, genero
suo, filio Willermi dicti Stulti sexdecim cuppas bladi, videlicet
duas de frumento et duas de fabis et duas bis - scilicet quatuor
- de ordeo et alias octo de avena, quas XVI cuppas idem Uldricus
venditor promisit per juramentum cum predictis heredibus suis reddere
de cetero annuatim eidem Thome emptori et heredibus ejus quos habebit
de Willermeta, filia ejusdem Uldrici venditoris. Et ad hoc attendendum
idem Uldricus obligavit nomine positionis et garentie quidquid ipse
habet in magna decima de Huemo et de Verchisiery eidem Thome, genero
suo, et promisit inde esse bonus guerens sibi et heredibus suis
predictis. Propterea Johannes dictus Garoz et Willermus dictus Eschofer,
de Huemo, promiserunt bona fide de mandato ejusdem Uldrici reddere
et persolvere apud Olonum annuatim eidem Thome sexdecim cuppas bladi
supradicti si idem Uldricus venditor et debitor deficeret in solutione
premissi bladi, ut superius est expressum, quantum ipsas XVI cupas
censuales debent eidem Uldrico pro decima supradicta.
Et notandum quod idem Uldricus et heredes ejus predicti promiserunt
prestitis juramentis contra hujusmodi venditionem per se vel per
alium aliquatenus inposterum non venire.
Inde fuerunt testes W. de Vilario, Gentylis de Villye, Ja. dictus
Turrez, Uldricus Malliar et dominus W. dictus Velyon, vicarius de
Alyo, qui hanc cartam scripsit et levavit apud Olonum nomine Jacobi
Cartarii Sancti Mauricii Agaunensis.
In qua ad preces fuit appositum sigillum capituli ejusdem monasterii
Agaunensis in testimonium veritatis, cui si quis etc. Datum anno
Domini M° CC° LXXVII°, mense junii.
Et notandum quod predictum bladum debet persolvi usque ad festum
Purificationis beate Marie annuatim.
Retour au sommet de la page
|