Fiche
Traduction


Retour à la démonstration

principale

 

Contrat de mariage
(6 mars 1530)
(AASM NOT 0/0/3, f. 41r-42r)

Transcription
par Arthur Bissegger


Matrimonium Johannis, filii Stephani
Combey alias Vuffrey, et Rolete, filie quondam
Claudii Loveri.

| Grossatum est |

Anno Domini millesimo quingentessimo XXX°, indictione tertia cum eodem anno sumpta, die siquidem sexta mensis martii, apud lez Marecotez, in domo Stephani Combey alias Vuffrey, in mis notarii publici testiumque subscriptorum presentia, fuerunt specialiter et personaliter constituti Johannes, filius Stephani Combey alias Vuffrey, associatus eodem Stephano, ejus patre, et Mermeto Combey alias Vuffrey, ejus avonculo ex una ; et Roleta, filia quondam Claudii Loveri, comitata Johanneta de Rivis, ejus matre, Claudio de Rivis, ejus fratre, et Francisco de Rivis partium altera. Huic est quod dictus Johannes, laude et consensu prenominatorum Stephani et Mermeti Combey, sua grata et mera voluntate promisit et convenit per suum juramentum ad sancta Dei Euvangelia sibi corporaliter factum, eandem Roletam in usorem et suam sponsam legitimam accipere, et ipsam in facie sancte matris Ecclesie desponsare, sancta matre Ecclesia concedente et lege Romana non contra dicente. Et modo simili, dicta Roleta, laude predictorum ibidem presentium et laudantium, promisit et recepit dictum Johannem in virum et sponsum suum legitimum, et illum in facie sancte matris Ecclesie desponsare, sancta matre Ecclesia concedente et lege romana minime prohibente.
Quibus sic locutionibus et promissionibus sic factis, supranominatus Stephanus, pater dicti sponsi futuri, et Johanneta, ejus uxor materque predicti sponsi, unus laude alterius, maxime ipsa Johanneta laude dicti Stephani ibidem presentes et auctorizantes contemplatione presentis matrimonii, nullis vi, dolo neque metu ad hec induti [sic], sed scientes, gratis et sponte pro se et suis heredibus et successoribus universis dant, donant, conferunt et largiuntur eidem Johanni, eorum filio ibidem presenti, stipulanti et recipienti pro se et suis heredibus et in posterum successoribus, donatione pura, mera, perfecta, simplici et irrevocabili qua fit et fieri dicitur inter vivos, qua nullo modo seu jure nullaque causa aut vitio ingratitudinis, nullo tempore revocari potest, videlicet omnia, universa et singula dictorum conjugum Stephani et Johannete bona et jura, mobilia et immobilia, presentia et futura, cum honoribus et oneribus, | post tamen eorum decessum et non ante, | salvis et retentis eisdem Stephano et Johannete rebus et bonis subdescriptis, scilicet quandam peciam prati, qua quidem pecia vocatur pratum de Petra, et unum campum vocatur campus de Longet, ac eorum vineam sitam Martigniaco loco dicto Ez Routiz, ad eorum voluntatem et dispositionem faciendam et possidendam, sicut eisdem Stephano et Johanete placuerit.
Item magis, dicti conjuges Stephanus et Johanneta, laude qua supra, infra dictam donationem suprascriptam dant et conferunt suis ceteris liberis, scilicet Peronete, Mauricio et Collete, cuilibet eorumdem, octo libras mauricensium, monete Sabaudie, semel et quinque solidos pro eorum dote et legitima, ac quarta tabellionica ac omnium jurium et rata bonorum paternorum et maternorum, mobilium et immobilium, presentium et futurorum quorumcumque (presentium et futurorum [sic]). Item actum fuit et conclusum inter dictas partes quod, si dicti Stephanus et Johanneta habeant plures liberos legitimos, tunc eo casu dant eisdem liberis futuris cuilibet sicut uni supranominatorum, et hec dum ad nuptias pervenerint, alias non nisi victum et vestitum super eorum bonis secundum falcultatem bonorum dictorum Stephani et Johannete, ac secundum usum et consuetudinem loci et parochie Servani. Item magis actum, conclusum et arestatum fuit per dictas partes quod, si dictus Johannes supranominatus, sponsus futurus, descederet ab humanis absque liberis legitimis, tunc illo casu inveniente eidem Johanni succedere debeat Mauricius, et Mauricio si ut supra descedente Colleta, et Collete ille, si quem habeant dicti Stephanus et Johanneta, primus et sic successive usque ad ultimum, et ultimo succedere debeat, si casus advenerit, dicta Peroneta, uxor dicti Claudii de Rivis.
Et sic promiserunt ipse partes, precipue dicti conjuges Stephanus et Johanneta, per sua juramenta ad sancta Dei Euvangelia ipsis corporaliter prestita, subque expressa obligatione omnium et singulorum bonorum suorum, mobilium et immobilium, presencium et futurorum quorumcumque, omnia prescripta ratum, gratum, firmum, stabile habere, tenere, complere et perpetue valide observare prout suprascripta sunt, et contra ea non facere, dicere vel venire in judicio nec extra. Renunciantes enim in hoc facto dicti conjuges donatores pro se et suis predictis sub vi suorum juramentorum jam prestitorum omni exeptioni doli, mali, vis, metus, erroris in factis qua actioni omnique areptioni ( ?), lexioni, circumventioni et gravamini, litis, contestationi, privilegio fori et dispensa juramenti, petitioni et oblationi libelli et inspexioni presentis instrumenti, omnique juri canonico et civili, scripto et non scripto quo contra premissa facere vel venire possent, per se vel per alium, maxime juri dicenti generalem renunciationem non vallere nisi speciali precendenti. Volentes fieri plura instramenta [sic] ad opus cui intererit unum unius ejusdemque substantie substantia facti in aliquo non mutata. Actum ubi supra, presentibus ibidem Petro et Perodo de Rivis, Petro Murisier et supranominatis consanguineis et vicinis, testibus ad premissa vocatis.

Retour au sommet de la page