Privilège royal
(15 février 1018)
(AASM Charles
1/1/6~1)
Transcription
par Germain Hausman
[I]N NOMINE DEI ETERNI ET SALVATORIS NOSTRI, JESU
CHRISTI. RODULFUS, DEI GRATIA BURGUNDIONUM REX. QUICUMQUE IN HOC
SECULO DIVIT[IARUM](bord déchiré avec trace d'encre indiquant
le départ d'un mot) ............... VIVENS AFFLUIT UBERTATE, SUMMA
DILIGENTIA DEBET providere ne his nimium intentus ammittat ditissimum
florem eternae dignitatis et gloriam patriae caelaestis. Quamvis
Dominus dicat camelum facilius posse foramen acus penetrare quam
divitem in regnum caelorum intrare, non tamen difidendum nobis
est de inmensa ipsius pietate, quia qui dat escam invocantibus
se corvorum pullis, non denegabit veniam sperantibus in se famulis,
neque enim est sibi exiguum vel vile propter quod dignatus est
humanitatem sumere, aut alteri vult deserere quod redemit suo
preciosissimo sanguine ut illuc nos traheret unde venerat liberare.
Ille itaque nobis peccatoribus medicamina salutis est largitus,
cum non solum de propriis vel bene adeptis, verum etiam de mamona
iniquitatis amicos doceret nos facere, qui reciperent in eterna
beatitudine. Nos siquidem his et aliis instructi monitis, si peticionibus
fidelium nostrorum aurem serenitatis nostrae accomodaverimus,
procul dubio promtiores ac fideliores ad nostrum efficimus famulatum
id quae non tantum animae, verum etiam nostri regni statui valde
prodesse non ambigimus. Quapropter omnium nostrorum tam presencium
quam futurorum noverit industria fidelium, quod quidam fideles
nostri videlicet congunx nostra Hermengundis regina, Bertoldus
quoque et Rodulfus comites et Robertus, nec non Hugo, episcopus
Sedunensis, et Heinricus, Lausonensis, atquae Hugo, Genevensis,
et Burchardus, Lucdunensis, Anselmus, Augustensis, ac Pandulfus
cum ceteris fratribus suplices nostram acgressi sunt clementiam,
quatinus salute nostra et eorum peticionibus ecclesiae Agaunensi
in salo miserrimae desolacionis jam pene n[aufrag]anti subveniremus.
Quorum peticionibus benigne annuentes donamus, immo ab antecessoribus??j
data reddimus tam aecclesiae Agaunensi quam fratribus ibi Deo
et sancto Mauricio famulantibus, de victu et vestitu proclamantibus,
ad mensam eorum in refectorio fiscos Sigiciacum, Lulliacum, Communiacum,
dimidium Puliacum, Auronum, potestatem Vuadengis et Bedolosci
et in Vivesio placitum cum omni reddibicione census hominum, Lustriacum,
Vobreium, Aulonum, Villia, Nares cum omnibus apendiciis eorum
et obblata altaris ejusdem aecclesiae, et dimidium burgum ipsius
loci et ibidem furnum cum molendinis et duas partes tholonei salis,
et alpes sancti Mauricii tocius Capud laci vallis; ea videlicet
racione ut omni tempore nostri precepti auctoritate ipsi et successores
eorum quiete habeant, teneant et inde in refectorio vivant et
quidquid utile sibi in comune bonum decreverint libere faciant.
Si quis vero, quod minime credimus, eos molestaverit, non valeat
vindicare quod apetit, sed sit culpabilis et persolvat quingentas
libras optimi auri, medietatem ipsi aecclesiae et medietatem regis
kamerae. Verum ut hoc credatur cercius, presens preceptum propria
manu firmavimus et sigillo nostro signari et predictorum episcoporum
anathemate muniri precepimus.
SIGNUM PRECLARI AC SERENISSIMI REGIS RADULFI. (Monogramme)
(Sceau)
Amizo, cancellarius, advicem domni Anselmi archican[c]ellarii,
hoc scripsit preceptum, anno Dominicae incarnacionis millesimo
XIIII, regni vero regis Rodulfi XXIIII, die sabbati XV kl. mar.,
luna XVIII, indicione prima; actum in Agauno; feliciter.