|
Contrat
d’affrarèchement
(28 décembre 1525)
(AASM NOT 0/0/1, f. 41r-42r)
Transcription
par Marlyse Messer
Affrareyamentum Petri et Francisci, filiorum
quondam Perodi Gay, de Gietroz, fratrum.
|Grossatum est unum|
Anno Domini millesimo quingentessimo [sic] vicessimo [sic] quinto,
indictione XlII cum eodem anno sumpta, dieque XXVIII mensis decembris,
coram me notario publico et testibus subscriptis presentibus, propter
infrascripta peragenda, fuerunt specialiter et personaliter constituti
videlicet Petrus, filius quondam Perodi Gay, parochie Servani ex
una, et Franciscus, ejusdem Petri frater, ex altera parte, ambo
laude et consensu Claudii, eorum fratris.
Quequidem partes ob fraternam dilectionem et affectionem singularem,
quas ad invicem habent et gerunt, prout dicebant bona fide et sine
dolo per se et suos heredes et successores quoscumque, noni [sic]
inducti, non seducti vi, dolo, metu, verbis blandis aut alias machinose
circumventi, sed gratis, scienter, sponte, beneque consulti et premeditati,
ut dicerunt [sic], non errantes neque decepti in jure vel in facto
sed de utroque certiorati, prout asserebant, plenius et instructi,
affrareyaverunt et associaverunt se [f. 41v] ad invicem unus eorum
alterin [sic] ipsorum fratrum et econverso, mutuo vicisim presentes,
stipulantes solempniter et recipientes pro se et suis heredibus
et successoribus in futurum universis, in omnibus, universis et
singulis bonis, rebus, juribus suis, mobilibus et immobilibus et
per se moventibus, presentibus et futuris, quecumque, qualiacumque,
quantacumque et ubicumque sint et consistant, dictaque bona, res
et jura quocumque nomine censeantur seu valeant nominari et nuncupari.
Et nichillominus gratia hujusmodi affrayriamenti et associationis,
unus eorumdem Petri et Francisci fratrum alteri ipsorum et econverso,
mutuo vicissim presentibus, stipulantibus et recipientibus ut supra,
dedit, donavit, tradidit seu casitradidit et concessit ac nunc et
imperpetuum titulo vere, perfecte, simplicis et irrevocabilis donationis
quae fit et fieri dicitur inter vivos, nullo jure nullaque causa
ingratitudinis aut alias quovis modo imposterum revocande, videlicet
suam totam medietatem omnium, universorum et singulorum bonorum
suorum, rerum et jurium, suorum et cuilibet ipsorum, mobilium et
immobilium, presentium et futurorum, quorumcumque, cum omnibus eorum
juribus, ingressibus, egressibus, pertinentibus, appendentibus,
honoribus et oneribus, universis et singulis. Super quibusquidem
bonis, rebus et juribus predictis per et inter dictos fratres sibi
ad invicem supra associatis, affrayratis, donatis et communicatis,
prefati fratres fecerunt, constituerunt unus alterum ipsorum et
econverso, mutuo vicissim presentes, stipulantes et recipientes
ut supra, veros dominos et procuratores legitimos, ut in rebus suis
propriis legitime constitutis, ita quod amodo et deinceps dicti
Petrus et Franciscus fratres et eorum quisque possint et valeant
pro dictis bonis, rebus et juribus predictis in quocumque judicio
et extra directe et utiliter agere et experiri, exipereque et componere,
transigere, compromitere, pacisci, concordare ac cetera, omnia et
singula facere, dicere et procurare que quilibet verus dominus et
procurator Iegitimus ac justus possessor de rebus suis propriis
in eisdem legitime constitutis facere, dicere, procurare et exercere
[p. 42r] potest et debet; et que ipsimet fratres et quilibet eorum
ante hujusmodi affrayramentum et associationem facere, dicere, procurare
et exercere potuerant et potuissent.
Promitentes insuper dicti Petrus et Franciscus fratres, per juramenta
sua ad sancta Dei evvangelia corporaliter prestita et sub obligatione
omnium et singulorum bonorum suorum, mobilium et immobilium, presentium
et futurorum quorumque [sic], ac ipsorum quilibet prout sibi tangit,
ac omnia, universa et singula in presenti instrumento publico contenta
pariter et descripta rata, grata, valida, stabilia atque firma habere
perpetue et tenere, et non contra facere, dicere vel venire nec
alicui contra venire volenti in aliquo consentire jure aliquo vel
aliqua ratione, sed ipsa omnia firmiter attendere, complere et inviolabiliter
observare.
Renunciantes autem in hoc facto sepedicti fratres ex suis certis
scientiis et sub vi juramentorum suorum jam prestitorum omni exceptioni
doli, mali, vis, metus et in factum actioni, conditioni sine causa
vel ex injusta causa, exceptioni omnium et singulorum premissorum
non sit ita non rite legitime actorum ut suprascripta sunt, juri
quo lesis in suis contractibus subvenitur, juri dicenti si dolus
dat causam contractui vel incidit in contractum quod contractus
ipso jure nullus, omnique conventioni, circumventioni, fraudi, dolositati
et errori et ne possit dici vel allegari dolum dedisse presenti
contractui vel incidisse in eundem, et omni alteri juri et jurium
auxilio quo contra premissa vel ipsorum aliqua facere, dicere vel
venire possent seu aliqualiter se tuheri, potissime juri dicenti
generalem renunciationem non valere nisi speciali precendenti [sic].
De quibus omnibus et singulis supradictis, quilibet ipsorum fratrum
petit sibi fieri unum publicum instrumentum per me, notarium subsignatum,
quod possit et valeat dictari, corigi et emendari ditamine peritorum
et sapientium, facti tamen sustancia in aliquo non mutata.
Presentibus ibidem Petro Coquoz et Michaele Cleyvaz, testibus ad
premissa vocatis et rogatis, meque Mauricio Gay, notario, qui, etc.
Retour au sommet de la page
|